昔日東方末段狂奔過半場破網 羅梓駿：唔想再有遺憾
是役為「藍鳥」攻入致勝球的羅梓駿，經過一晚休息後心情仍未平復，更憶起4年前好友鄭展龍射破柏雷素爾，為傑志取得亞冠第一勝的片段，兩人多年來由青年賽事並肩作戰到亞冠舞台，令「羅梓」特別有感而發。
「其實喺半埸時，已經諗番起上年嘅遺憾。」羅梓駿道。去年傑志在分組賽未能「雙殺」泰國球隊，導致最終無緣出線，「羅梓」深知今場對清萊聯非勝不可，因此即使賽前灑下大雨，場地泥濘滿布增加體能負荷，踢到81分鐘他仍不惜氣力以「9秒9」速度狂奔約70碼，攻入奠勝球：「唔想再重複呢個遺憾，所以唔想放棄任何機會！」
「諗起鄭展龍入波嗰種感動」
羅梓駿今季港超僅上陣8場，或者表現未令球迷留下深刻印象，但回到亞冠這個熟悉的舞台，其表現猶如脫胎換骨，先在首仗助攻給明加索夫入球，今仗更親自做贏波功臣。他坦言征戰「亞冠盃」對自己的要求和壓力都有所提高，每場抱着「冇咩好輸」的心態，才能踢得更放。
今次亞冠「開齋波」對這名25歲港隊成員可謂別具意義，令他憶起4年前「亞冠盃」，見證同為傑志青訓產品的鄭展龍入球的喜悅：「當年喺觀眾席睇到『阿龍』入波嗰種感動，到依家可以同佢一齊並肩作戰，最後自己入埋波，所有嘢都好激動。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
