昔日東方晉峰「戴罩」復操 何信賢︰來季組軍方針未明
康文署轄下包括足球場等康體設施周四正式重開，港超聯球隊晉峰當晚即於青衣運動場「戴罩」復操。總教練何信賢表示由於來季組軍方針未明，一眾外援暫時未有歸期，接下來訓練將以恢復球員體能為主，期望足總盡快落實下季安排。
一眾外援暫未有歸期
在缺少費利浦薩、卡爾特納等外援，加上劉君正、楊憲樂兩位小將，因剛完成港隊集訓獲准休息，晉峰今次復操僅有十多名一隊球員出席。總教練何信賢解釋，由於足總來季未有定案，令球隊組軍方針未明，暫時只能一直等待：「下季如果搞，究竟會用咩模式，其實我都未確實同老闆傾好。啲外援有問佢哋幾時可以返嚟，我都係話一有消息再講，希望足總快啲公布所有嘢，5月球隊可以安頓好。」
相隔3個多月再次踏足球場，後衞鄭璟昊坦言感覺良好，不過對於在訓練時全程「戴罩」，「阿井」則顯得十分不滿：「梗係辛苦啦，唔好話跑步、踢波，夏天就咁戴口罩已經好辛苦，真係好難抖氣。」
李浚湣報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
