昔日東方明加索夫融入藍鳥打硬仗
傑志土庫曼新援明加索夫（Mingi，圖）去仗對清萊聯取得奠勝球，替球隊在今屆「亞冠盃」打開勝利之門。他接受訪問時表示，「地標球」對自己意義重大，又指今晚之戰對「藍鳥」及神戶勝利船而言均非常關鍵，因此會盡一切努力爭勝。
付出努力決心爭勝
30歲土庫曼國腳明加索夫自3月初加盟傑志，直至上周六才首次為球隊在正式賽事披甲，更在亞冠「地標戰」攻入首個入球：「上場波對我嚟講十分有意義，為球隊首次上陣，個人第一場亞冠比賽，但更重要係我哋能夠取得勝利，當然喺呢場比賽入波係美好嘅事。」
Mingi職業生涯主要於歐洲賽場打滾，曾征戰歐聯及歐霸盃外圍賽，「亞冠盃」反而是「初體驗」，賽後更獲選為「最有價值球員」，這些成就對一位新球員而言無疑是一種肯定：「我腦海中一直存在呢啲成功畫面，好開心可以喺長時間停頓過後，仍然有好表現。呢兩個月嚟我每日都嘗試盡快適應球隊踢法，以及了解呢項賽事嘅特性。」
對於今晚之戰，明加索夫認為首要是在短時間內做好恢復，並且深明勝仗的重要性：「每人都知道呢場波對雙方嚟講都非常關鍵，對手係亞洲其中一支實力最強嘅球隊，但我哋一定會付出所有努力同決心爭勝。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
