重返訓練場領軍備戰亞協盃曉明Sir：似返咗屋企

正在泰國備戰「亞協盃」附加賽的港超球隊理文，主教練陳曉明於上周五晚已抵達泰國，並在抵埗後翌日開始帶隊，此外陣中幾位外援及本地球員，亦陸續與大軍會合。

理文在泰國的集訓踏入第4日，終於迎來陳曉明重回球場領軍，對此「曉明Sir」不忘感謝教練團隊和職員分擔工作：「大家能夠再喺球場齊集，有一種『返到屋企』嘅感覺，亦好高興見到大家目標一致。」包括杜查祖利亞、亞哥斯達、基華尼頓及洛迪古斯等陣中幾位外援，以及較遲歸隊的張憙延、黃俊皓及羅焯熙，亦已加入球隊操練。

時間倉促有信心克服

距離4月19日在蒙古舉行的「亞協盃」東亞區附加賽，還有約3星期時間，「曉明Sir」坦言時間不算充裕，但深信球隊能夠戰勝今次難關：「我們既要避免球員受傷，亦要喺短時間內催谷球員狀態，對教練嚟講係一個好大嘅挑戰。不過球隊近幾年都遇過唔少難關，相信只要大家互相支持夠齊心，就可以解決困難。」

林卓臻報道