昔日東方理文備戰亞協盃昨赴泰集訓
下月出戰「亞協盃」附加賽的港超球隊理文，首批職球員昨日啟程前往泰國集訓。由於主教練陳曉明因私人原因，較後時間才前往泰國與大軍會合，助教曾昭達會暫時負責抵埗後的訓練安排，「達Sir」希望球員能於集訓中催谷作戰狀態。
理文將於4月19日作客蒙古220體育會，由於本地球場仍未重開，球會選擇到泰國備戰「亞協盃」賽事。對於「曉明Sir」稍後才歸隊，「達Sir」認為影響不大：「我哋每日都會保持聯絡，球會運作亦好成熟，唔擔心會有影響。」昨日金承龍、迪高、余煒廉及袁皓俊等球員都有隨隊，惟徐宏傑和高俊要去到寄存行李前一刻，才獲泰國的入境批准。「達Sir」形容今次準備倉促，但表示球會已盡用資源，在最短時間內安排到泰國的訓練場地，並不遲於下月13日前到南韓轉機至蒙古。
曾昭達：希望球員攞番球感
「達Sir」指在泰國約3周的備戰期，期望提升球員狀態：「最重要唔好受傷，希望球員可以攞番啲球感。」他透露今次安排2至3場熱身賽：「始終泰國當地賽季係進行中，要就番人哋嘅賽期，係有啲難度。現時友賽係安排緊，等對手確認，亦要同AFC申請，但已有眉目。」「達Sir」又指原本預期球隊要在外地逗留4個月，但鑑於政府日前公布或將逐步放寬防疫及入境措施，理文可望提早返港：「去完蒙古如果晉級嘅話，就會6月再踢（分組賽），之前我哋諗住去其他地方繼續訓練，但依家可能會返香港先，要視乎最後嘅指引。」
林卓臻報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
