標準流浪：艱難時期更善待職球員

「我都費事解釋咁多，祖連奴今朝（周六）先畀咗封信我，多謝莫生同我，喺佢染疫同老婆待產嘅困難時刻幫手。我哋點對球員，球員知道就得，冇必要討好所有人！」標準流浪總監李輝立（Philip）謂。

據李輝立謂自本地賽事腰斬後，隊中華、洋球員都曾向他表達對現況和前途的憂慮，而會長「莫生」亦不止一次提出，困難環境下要善待隊中職、球員。Philip提到有球員向會方提出，希望可以去從事其他工作，或暫時到澳門落班保持狀態：「冇問題！我哋會幫手搵球隊添，總之放心，標準流浪會方決定，就算合約期間搵到其他工作或者過咗去澳門踢波，搵到幾多球員自己袋，會方亦會依照勞工法例照出5分4糧。當然好似『宜嘉』（即盧均宜和林嘉緯）及其他教練咁，佢哋想繼續Keep住帶年輕球員練習，會方都會全力支持。」Philip道。