對港會「開齋」生涯最難忘

張俊軒在季初「菁英盃」對陣港會時，88分鐘門前補中，職業生涯「開齋」兼替球隊扳平，及後補時階段隊友羅曉聰更射入12碼，帶領香港U23以2比1反勝，取得今季首勝。Marco直言這場是超聯生涯暫時最難忘一仗：「對球隊同自己意義重大，因為幫球隊追平再贏波，加上係我踢咗3年嘅『開齋波』。」他續指這個入球給予自己很大信心及動力。

「如果一個球員踢到幾個位置，咁教練都會鍾意，某程度上係優勢，可以多啲機會。」年少時踢左翼開始，近季擔任過防守中場、後防等各個位置，張俊軒坦言上季雖然踢防中較多，但很多時只需「遮線」及搶截，之後再傳球給查理史葛及米基爾便可，但今季防中在香港U23需要肩負更多工作，因此自己偏向擔任後衞。

盼「99仔」再度重聚

舊球會愉園季前宣布退出港超聯，自13歲開始加入車路士足球學校（香港）的張俊軒，坦言相當可惜：「其實愉園外援質素好高，有佢哋帶住嚟踢，我哋班後生過多幾年進步會好大。」此外Marco亦與陣中部分「99仔」，包括朱偉鈞、林衍廷等再次分道揚鑣，他笑言香港足球「今日唔知聽日事」，希望將來大家仍有機會重聚。