由閘位變中堅責任更大舊人張俊軒挑戰新位置

「原本準備踢乙、丙組，但其實落咗去好難有機會再上番嚟，始終都想喺最高級別聯賽繼續踢波。」擅踢左、右兩閘的張俊軒（Marco），季初一度淪為失業球員，幸好最終能加盟港超新軍香港U23。然而因後防板櫈深度嚴重不足，今季這位「通天老倌」由閘位改踢中堅，Marco亦希望能盡快適應這個新位置。圖、文：李浚湣

上季各項賽事為愉園上陣19場的後衞張俊軒，雖然已是第三季征戰港超聯，但他坦言仍然處於適應期，主要是向來擅踢兩閘的他，今季被香港U23主教練張健峰安排改任中堅，「頭幾場有啲緊張，始終喺超聯唔多機會踢呢個位置；加上個位係最後，同閘完全唔同，一失咗個波就會畀對手直接單刀，唔可以有啲大犯錯。」

冇外援帶住自己諗辦法

Marco表示球隊踢法需要中堅引球推進，可能「張Sir」認為他具備這項能力，所以才安排新位置給他發揮，惟目前仍未完全習慣，對自身表現亦不算滿意，希望之後可以慢慢建立信心，在新的位置下踢得更放。

除此之外，香港U23今季由「全華班」組成，大部分球員均年僅23歲或以下，相對過往在愉園一直有盧斯安奴、米基爾等外援，以及其他有經驗的「老大哥」壓場，Marco直言有很大分別：「今年首次冇外援帶住，只係得羅曉聰同黃威多啲經驗，個感覺好唔同、好唔慣，都會有個責任感喺度。同埋好多時候變相要靠自己，面對外援前鋒要諗辦法應付。」

盡力踢好不計較成績

香港U23今季失球數字偏高，擔任後衞的Marco難免有一定責任，但他表示自己「睇得好開」，不會太過受成績影響，正如「張Sir」所言，不要太計較比數，盡力踢好及做足賽前部署便可。