由冇班落到坐穩正選 19歲伍瑋謙一步一腳印

「啱啱（代表南區）踢第一場，畀自己嘅感覺好深刻，唔經唔覺已經踢咗10幾場，希望陸續有來。」Ivan指着今年9月自己上載的Ig貼文說道：「想留番個回憶。」與時下年輕人一樣，Ivan愛用個人社交媒體，紀錄生活中的種種難忘時刻，過去短短3個月時間，這位19歲年輕門將由代表新東家冠忠南區上演「地標戰」，再到穩坐正選門將一位，開季以來一步一腳印：「真真正正有機會落場踢，有好多里程碑，好多第一次，算係一個新開始。」

新賽季南區加入不少新面孔，當中除了有在本地球壇征戰多年的老江湖，亦有一班已在頂級聯賽嶄露頭角的後起之秀，誠然以年輕球員身份加盟的Ivan，是這班南區新兵中較不起眼的一位。無論是久經沙場的謝德謙，還是資歷更高的蔡子濤，南區陣中比自己經驗更豐富的門將大有人在，對於爭正選，初來甫到的Ivan坦言：「一開始自己都冇抱太大期望，始終經驗要慢慢累積，冇可能一步登天。」

職業生涯在愉園出道，Ivan效力「快活谷」期間要兼顧學業，除了在港超賽場首次亮相的幾分鐘，他獲得的上陣機會並不多，今季季前更要經歷舊東家退出港超，「冇班落」的現實擺在眼前，Ivan直言當時一度感到徬徨：「喺愉園呢兩年，比賽經驗的確唔多；始終冇比賽，畀唔到人哋睇到你嘅能力，人哋都好難搵你。」但Ivan的資質沒有就此被埋沒，在新加盟南區的門將教練范俊業牽線搭橋下，Ivan得以繼續征戰本地頂級聯賽，更憑出色發揮穩坐南區正選門將位置。

「今季港超聯我好似未失過波呢。」講到球隊失球數據，Ivan彷彿不敢相信般，突然醒覺自己聯賽至今仍保持清白身這個事實，一臉稚氣未脫的笑臉，多少流露出一股聯賽榜首球隊正選門將該有的氣場和自信。

然而，Ivan作為防線最後一人，很清楚自己能夠保持這個成就，少不了幾位後防拍檔一同努力：「『Clean Sheet』（力保不失）贏波冇可能只靠龍門，要由最前線嗰個開始遮線， 成條防線先至保護得好。」站在身前的杜度、盧斯安奴和翟廷峯等人都是老大哥級別，但Ivan似乎未有因此怯場：「冇乜諗過驚唔驚，始終投入咗比賽，無論你前面邊個踢都好，門將呢個位喺後面睇晒成個場，你都要嗌得郁佢哋，呢樣嘢對我嚟講唔算係太大問題。」

Ivan今季的出色發揮，被南區教練團和管理層看在眼內，球會早前亦宣布提前與Ivan續約至2023年。對不少堅持在港超征戰的球員而言，踢職業足球機會難得，去年中學畢業的Ivan，與家人商討後，一度決定休學一年，希望專心在港超賽場打拚：「始終機會唔係成日有，如果咁啱今年真係有，睇吓自己把唔把握到。」突如其來的第5波疫情，令今季賽事陷入停擺，Ivan亦趁有空檔期，重新開展學業：「咁啱依家停賽，依家都透過Zoom讀緊書，（停學踢波）就季尾先決定。」