拍片記錄足球回憶 林遼太鼓勵同鄉外闖追夢

在港超既是足球員，又是YouTuber，豈止傑志中場何振廷一個呢？效力流浪的林遼太道：「只要你將影片放上YouTube，你就已經成為一位YouTuber！」Ryo把經過說得十分淡然，卻未能足以反映他影片頻道的豐富程度。

打開「RYOTA HAYASHI【旅するサッカー選手】」的YouTube Channel，你會發現影片範疇廣泛，有他在斯里蘭卡的旅遊Vlog、烹調各國料理的片段，甚至有早前他抵港後坐「隔離疫監」的心路歷程。

Ryo憶述，兩年前十字韌帶撕裂開始，他把整個康復過程拍攝下來，猶如日記般在觀眾眼前呈現。「我想留低踢足球嘅回憶，而且足球員係一份特別職業，想講我嘅故事畀人聽。」他說。Ryo強調，頻道的訂閱者數量並非自己首要目標，他更想透過用影片記錄下來的回憶，鼓勵更多日本球員出國外闖。

在日本成為職業足球員的路十分艱辛，Ryo亦非出身自日職球會青年軍，一直循普通人成長軌迹前行的他，後來考入法政大學，修讀體育及健康學。不過，不甘平凡的他，畢業後竟捨棄高薪厚祿的教職，毅然出國追足球夢。「冇錯，體育老師的確係一份好好嘅職業，但我喺外國得到好多寶貴嘅經驗，而且我真係好鍾意踢足球！」

季初流浪尋找外援後防，在歐陽耀冲的經理人介紹下，遂聯絡上林遼太：「嚟香港係一種進步，我嘅目標係參加亞洲賽，我相信呢個會係一個機會。」他解釋來投流浪的原因。在港超停擺前，他已逐漸站穩正選位置，意味他可以重新開始YouTuber的身分：「我想拍吓有本土風味嘅地方，之前去過重慶大廈剪頭髮同食嘢，都拍咗啲片段。」觀眾最關注的問題是：幾時出片先？Ryo笑道：「出咗喇！你哋睇咗未？」