昔日東方球場「跑狗」最想學簡迪
司職防守中場的邵昀俊，經常被隊友及教練取笑為「跑狗」，他認同自己屬於體能好、跑動多的球員，但在護球及控傳能力上仍有待加強：「好多教練都同我講過，叫我諗吓搶咗個波之後，點樣再幫助球隊進攻，好似直接傳畀隊友打反擊，呢啲係我要進步嘅嘢。」Michael表示，會視車路士防中尼高路簡迪為學習榜樣：「之前睇李斯特城都會留意馬列斯、占美華迪等攻擊球員，但簡迪其實係不可或缺，尤其補位、守轉攻方面。」
兼顧讀書踢波無怨無悔
邵昀俊亦是香港科技大學機械工程三年級學生，面對職業足球員艱辛而密集的訓練，以及繁重學業，Michael承認時間並不夠用：「有時想同朋友出去玩，甚至陪屋企人都就唔到時間，另外私人同休息時間都會少咗，有時返完學真係好攰，都要靠自己自律。」
除此之外，Michael坦言錯過了部分寶貴的大學經驗，好像一年級時曾因隨飛馬及港隊U19到外地集訓，未能出席迎新日及迎新營，令自己錯過認識同學的機會。惟他強調一切犧牲卻相當值得：「唔係好多人能夠將興趣變成職業，呢樣亦係身邊好多朋友嘅夢想，既然我有咁嘅機會，就要全力去做，唔好畀自己後悔。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
