唔介意做無名英雄邵昀俊努力適應新角色

向來視培育年輕球員為目標的晉峰，今季繼續簽入多名甚具潛質的小將「補強」，當中年僅20歲的邵昀俊（Michael）便是其中之一。這名防守中場期望能像無名英雄一樣，默默地在背後作出貢獻：「可能我唔起眼，或者無咩人會留意，但我相信自己嘅體能同積極跑動，喺防守上可以幫到球隊。」

由U13踢太陽國際開始，邵昀俊一直為飛馬青年軍效力，及後中五初次到當時的港超球會香港飛馬跟操，翌年踢完U18便正式升上一隊，他坦言是夢想成真：「細個覺得香港踢波好難，但跟完操之後，慢慢覺得距離職業足球員水平愈嚟愈近，於是就接受球會邀請，想睇吓自己可以踢得幾遠。」

然而Michael第一年港超生涯並不順利，在中場人才濟濟下，這名當時18歲的無名小子整季僅得一次上陣機會，導致他心態變得負面：「本身屬於港隊青年軍，覺得算係同齡較出眾嗰堆，加上一直踢開正選，但上到一隊即刻變到好普通。」

與老大哥訓練感壓力

除了突然由青年軍時期的絕對主力變成「板櫈球員」，首征港超聯的Michael還要克服，與一眾老大哥包括陳肇麒、陳偉豪等一同訓練的壓力：「平時只會喺電視睇佢哋比賽，諗都無諗過有機會一齊踢波，所以成日會好擔心犯錯同緊張。」他透露當時曾反問自己是否適合繼續走這條路，幸好第二年球隊銳意年輕化，Michael於「菁英盃」賽場中逐漸受到重用，慢慢適應港超聯節奏，自信才得以重拾。

晉峰兄弟班打成一片

隨着今季飛馬宣布自降，Michael季初獲晉峰門將教練何國泉邀請加盟，Michael認為球隊屬「兄弟班」，陣中亦有不少年輕球員，因此很快便與隊友打成一片；不過對於初次接觸地面控、傳的西班牙式踢法，Michael則指目前仍要時間適應角色上的轉變：「以前喺飛馬角色簡單、清晰啲，淨係中場做掃蕩、破壞同補位，但喺度唔會高Q大棍，進攻上要做多啲嘢。」

Michael續指以往在場上，攻守通常由外援負責帶領，但來到晉峰後發覺本地球員也有很大自由度，今季目標是擁有穩定的出場時間，嘗試為球隊付出更多。

圖/文：李浚湣