上任後首次集訓或需等到3月

「1月同3月都有ＦＩＦＡ國際賽期，我好想盡快去見一班球員，甚至安排集訓同友賽，但一切都要由足總行政總裁譚秋朗同政府去商討，加上政府立場非常強硬，相信3月舉行到集訓嘅機會較大。」惟政府宣布延長社交距離措施至下月初，今個月底的國際賽期勢無法舉行集訓，莊恩安達臣承認失望，表示目前除了等待政府回覆外，亦沒有太多東西能做。

莊恩安達臣曾於2016至2018年期間，帶領北韓躋身兩項洲際性賽事的決賽周階段，領軍14場取得8勝3和3負不俗成績。然而他指出兩地代表隊文化上存在差異：「北韓國家隊好似一支球會咁，我可以隨時揀30人一齊集訓，幾日或者一星期訓練兩課，仲可以每日見到佢哋。」不過他引用自己球員時代為挪威國家隊效力做例子，指當時每年大約只能集訓5次，每次僅持續5至6日，希望港隊球員珍惜接下來的集訓機會，自己亦會盡快為球隊建立新風格。