盼港隊球迷引以為傲 莊恩安達臣：要踢得更進取

由於防疫關係，今次記者會改以視像會議形式進行，亦是莊恩安達臣自去年12底履新後，首次會見傳媒。現年58歲的莊恩安達臣直言上任後其中一個目標，是改變港隊原有踢法去爭取勝利：「我睇過近10場港隊比賽，發現咗一啲唔想見到嘅情況，包括喺某啲比賽中過於保守，咁樣好難贏波，我會要求球隊進取啲，防守時將防線推前啲，嘗試向對手進行緊逼。」他提到早前與前港隊主帥麥柏倫曾作長談，過程中得益不少。

莊恩安達臣於本月初完成隔離後，曾到將軍澳足球訓練中心參觀，以及觀看港超賽事，他透露早前曾與港隊球員交流，包括與幾位外流港將見面，加深彼此了解，並形容結果正面：「我同唔少願意為港隊效力的球員交流過，佢哋喺我心目中留下唔錯嘅印象，佢哋問咗我好多問題，我亦講出我想要嘅踢法。」莊恩安達臣又表示會按照戰術，去挑選最適合的球員。

早前多位U23港隊球員違規，遭足總處罰禁止入選代表隊一年，包括去年6月曾代表香港出戰世盃外的陳晉一，對此莊恩安達臣強調事件不能容忍：「代表港隊嘅球員需要有職業操守，球員出戰期間飲酒係不能容忍，呢啲事唔應該發生。」他承認對事件了解未算全面，但得悉部分球員被禁入選港隊，坦言影響未來點兵。

莊恩安達臣透露今次與足總簽約至2023年7月，承認約18個月的任期不算長：「2022年有唔少重要嘅比賽，如果順利的話，我可以留喺港隊更長時間，有助球隊取得佳績。」最後他不忘向球迷作出承諾：「希望球迷見到一支想去進攻、想去贏波、踢法上更進取，以及令自己引以為傲嘅球隊，亞洲有好多強敵，贏波唔係必然，但我哋會嘗試，畀球迷見到香港隊唔係一味防守。」