昔日東方聯賽「停擺」前理文攞尾彩
由於政府收緊社交距離措施，康樂及文化事務署轄下的康樂設施和第599F章下的表列處所於2022年1月7日暫停開放，直至1月20日。令上周三晚上假旺角場舉行的「菁英盃」晉峰對理文，成為了「停擺」前最後一戰。
是役過後，港超即再次因疫情而停擺，對此晉峰總教練何信賢直言不希望停得太久：「希望快啲有番比賽，如果停得太耐，對球員同老闆都唔係一件好事，希望香港政府會有好嘅安排，畀我哋繼續踢落去。」
陳曉明倡「停賽不停操」
至於理文主教練陳曉明坦言對是役能夠順利舉行感到慶幸，惟他對港超停擺感到失望：「本身諗住今季會係正常嘅球季，但依家又要再停，真係好唔開心。」「曉明Sir」謂希望在比賽暫停的同時，能讓球隊保持操練，做到「停賽不停操」，事關若缺乏一定時間準備和訓練，讓球員重投比賽非常危險：「我相信停操對8支球隊，尤其球員嘅健康好大影響。」
政府暫時表示最新防疫規定僅維持兩星期，但理文主力顏樂楓「光頭」表示心中有數，預期距離復賽將有一段長時間，因此賽前感到相當傷感及不開心：「上季咁辛苦先捱過家居隔離、停賽嘅時段，依家又再嚟過，我覺得好失落，尤其去到季中，大家操到如火如荼，踢咗咁多場比賽，咁樣停對大家都唔係好事。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
