回傑志探班「好似返咗屋企」 李毅凱想幫南通衝超

27歲的李毅凱今季中甲上陣22場兼有一球進帳，這位中堅受訪時表示，雖然季初未獲得太多機會，但正好讓他摸索新環境，在經過適應及訓練中努力付出，漸漸得到教練信任，上陣機會大增。今季中甲4個階段都以封閉式進行，球員不論比賽和訓練都要集中於同一賽區。「阿凱」表示當初的確感到沉悶，但與黃佳強及余劍鋒兩位廣東球員熟落後，加上有「超哥」吳偉超協助，讓他慢慢習慣起來。

被問到未來計劃時，李毅凱透露與南通還有兩年合約，來季將會留隊：「南通畀咗機會我，希望下年更加進步嘗試『衝超』，幫佢哋完成夢想。」他亦道出個人目標：「希望愈踢愈好，目標係至少喺內地踢5、6年，有機會上到中超。」李毅凱指已獲球隊批准延遲歸隊，預料在港留到過完年，有更多時間陪伴家人。

昨日回到傑志探班，「阿凱」坦言「好似返屋企咁」，與朱志光及梁志榮等恩師好友暢談。訪問途中昔日防線拍檔王振鵬更打趣道：「『阿凱』啲普通話仲係咁差！」李毅凱稱一直有關注母會消息，更有觀看傑志出戰「亞冠盃」的直播，笑言「可能冇咗我更穩定。」「阿凱」同時喜見「藍鳥」去年獲得佳績：「見到好多年輕球員升上嚟踢，都好開心。如果日後傑志有需要，我都想返嚟幫手！」

圖、文：黃雋謙