昔日東方三浦知良次子唔踢波打ＭＭＡ
三浦知良年屆54歲仍未言退，傳聞新球季將加盟業餘隊JFL鈴鹿繼續征戰，另邊廂佢19歲次子三浦孝太遺傳佢嘅體育天賦，不過唔係踢波，而係成為格鬥家，上周五更初上擂台打職業新秀賽，結果以父親招式「足球踢」ＴＫＯ對手獲勝。
三浦孝太有個明星爸爸，發展任何職業都比常人順利，今次佢打擂台亦分外矚目，三浦知良都親自到場觀戰，氣氛相當緊張。
ＭＭＡ同足球係完全兩種競技，但三浦孝太竟然將兩者合一，喺一次對方倒地機會中，佢施展一記「足球踢」命中對方，裁判即時介入並終止比賽，判孝太ＴＫＯ勝利。
三浦孝太：努力成為格鬥之王
三浦知良在兒子獲勝後上前擁抱，場面感人，孝太賽後表示：「感謝父母照顧我呢個頑皮嘅兒子，我會像父親成為足球之王一樣，努力成為格鬥之王！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
