體育

比利時格鬥王染新冠離世

歐洲疫情爆發,比利時格鬥王希尼斯特拉感染新冠肺炎後倒下,報道指佢由染病至去世只有4星期,終年41歲。
希尼斯特拉擁有3屆搏擊世界冠軍頭銜,綽號「送葬者」,戰績39勝9負,佢體格魁梧,冇人想過會被病毒打倒,包括佢自己。
懷疑疫情拒戴口罩打針
報道指,希尼斯特拉係疫情懷疑論者之一,佢認為自己年輕、身體強壯,自然百毒不侵,仲話今次疫情只係「毛毛雨」,又反對政府強制戴口罩同打疫苗。11月下旬佢感染病毒,被教練強迫入院,原定12月初一場比賽亦告取消,當時佢話:「我係早產嬰兒,為生存拚搏,我會像男人一樣戰鬥到死,唔會放棄。」
佢病情愈見嚴重,被送入重症病房,要戴氧氣呼吸,但佢喺12月13日主動出院,返屋企吸氧氣,過咗兩日,佢因為心臟停頓去世。
希尼斯特拉傳出死訊,喺歐洲引發抗疫嘅討論,其妻子表示唔希望丈夫嘅死成為傳播恐慌嘅工具,被利用來要求人接種疫苗,其昔日教練帕文則指,希尼斯特拉嘅死本來可以避免,但佢到死都唔相信呢個病毒可以致命。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500
人人做記者