梁諾恆心願為浙江衝超

浙江隊於中甲最後一輪雖然成功擊敗對手武漢三鎮，惟仍被「衝超」對手梅州客家壓過，只能屈居第3，要透過附加賽爭奪重返中超的機會。該仗後，得知與直接升班席位擦身而過的浙江隊球員顯得非常失望，「細佬」梁諾恆亦不列外：「距離直接衝超咁近，（最後錯失席位）確實會有啲失落。」不過「細佬」亦透露球隊已有應付附加賽的準備，大家已調整心情，備戰餘下兩回合於蘇州進行的賽事。

青島隊於中超護級組尾二輪賽事遭天津津門虎絕殺，注定包尾，將會與浙江隊在升降班附加賽一決高下。梁諾恆則表示球隊一直有留意這支附加賽對手的表現，並強調陣內爭勝心毋庸置疑：「我嚟到中甲踢波，用超過1年嘅時間同努力，都係為咗衝超呢個目標，希望最後兩場可以達成心願，好好地返香港放一個開心假期。」踏入2022年，「細佬」亦訴說新年願望：「希望無傷無病，為球隊作出最大嘅貢獻，同球隊一齊走上更大嘅舞台。」