對手硬淨 理文鍊港會鬥智鬥力

今季各項賽事兩次面對港會，理文都成功擊敗對手，包括上月聯賽大部分時間圍攻對手的情況下以3比0取勝，但「曉明Sir」賽後亦指出對手的硬朗踢法，絕對不易應付。今場「菁英盃」再鬥港會，「曉明Sir」不忘提醒一班年輕球員，在面對激烈對抗時要懂得「食腦」：「對於本地球員，好似Marcus（張憙延）同Anson（黃皓雋），佢哋要踢得醒目啲，先可以克服身形上嘅挑戰。」

有超過3周時間休戰期的港會，早前邀得甲組球隊高力北區「拍跳」，最終港會收起多位主力的情況下，以5球大勝對手，主教練東尼咸美頓（Tony）認為熱身賽有助保持球隊作戰狀態：「抖咗咁長時間，係有需要安排友賽，同甲組球隊比賽嘅激烈程度當然冇得同港超比較，但我哋對戰果感到滿意，一班球員亦可以攞番比賽感覺。」

港會上仗聯賽不敵理文後，今場「背靠背」再與強敵相遇，Tony直言有需要好好檢討球隊表現，尤其要改善鋒線乏力的「老問題」：「球隊好清楚今季比賽中，唔會攞到太多入波機會，所以當機會出現時，我哋更加要好好把握。」中場莊馬仕於該仗一度與入球非常接近，Tony透露此子仍未完全傷愈，為了保留實力應付聯賽賽事，今場未必會派這位主力上陣。