足總盃前夕忙裏偷閒 傑志OPPA點喺HK過聖誕？

傑志暫代主教練金東進自2016年12月來港，已在香港度過了5個聖誕節，但他坦言去年才是最深刻的一次：「每年聖誕都要忙於準備比賽，上年因為疫情聯賽暫停，我同屋企人終於可以平靜地過一個聖誕。」基督教在韓國是主流，金東進和朴俊炯也是信徒之一。去年他們雖然未能回國慶祝，卻在香港的韓國人教會與教友聚餐和祈禱。「聖誕係韓國人最重要嘅節日，如果有家庭嘅人會布置屋企、食聖誕大餐；如果未結婚嘅就會同親朋好友出街慶祝。」朴俊炯道。

球員時代的金東進和朴俊炯一樣，長年在國外打拚。當中Kim曾效力俄超辛尼特，不過每年聖誕都適逢球季冬休，球隊都在備戰下半季。反而後來效力蒙通聯時，他卻曾到過當時泰超神射手基爾頓施華的家中食大餐慶祝。而曾外流葡萄牙多年的Park，則分享當年在里斯本的經歷：「每逢12月街上都會布滿節日裝飾，里斯本鄰近海邊，好多人都會去岸邊開狂歡Party！不過一到正日，街上就會一片寂靜，變得好無聊！」

被問到今個聖誕有何計劃時，Park大嘆自己今年要過一個「Lonely Christmas」，皆因女朋友現身處南韓，因防疫限制，恐怕要繼續忍受「Long D」之苦，今年聖誕惟有「騷擾」一下隊友：「惟有同啲單身嘅球員出去行街，可能係Matthew（安永佳）吧！」而作為主帥的金東進，今個聖誕前夕為準備「足總盃」4強戰恐怕會很忙碌，不過他仍希望與一眾職球員出外聚餐，聯誼一番。

過往聖誕，傑志都會舉辦大抽獎。Kim和Park異口同聲大呻，前年的大獎竟被丹尼抽中，自己卻連安慰獎都失落。今年聖誕大抽獎，Park矢志奪大獎，「我用緊嘅電話係舊型號，所以今年我希望『Mr. Ken』（傑志會長伍健）安排嘅大獎係最新型號智能電話，我係志在必得！」此時，Kim手指着自己同是舊型號的手提電話，並暗笑道：「睇嚟今年嘅大獎爭奪將會非常激烈！」

文：黃雋謙 圖：鄧曉欣