安東尼戴維斯受傷抖4周

‧上周六對賽木狼時，兩度因傷退下火線嘅湖人球星安東尼戴維斯，經過進行磁力共振檢查後，診斷左膝韌帶受傷，情況未算太嚴重，「紫金軍」決定未來4星期將呢位球星放入傷兵名單，畀時間佢康復兼休息。冇咗安東尼戴維斯，加上「超人」侯活接受隔離，恐怕僅靠迪安迪佐敦支撐內線嘅湖人都要諗一諗解決方法。