「咖喱仔」輪休速龍乘機搶Ｗ

‧刷新NBA最多三分球紀錄嘅「咖喱仔」史堤芬居里，經過連場大戰喺周日嘅常規賽得到輪休機會，結果勇士仲有主將積蒙格連以及韋堅斯受傷缺陣之下，以100比119不敵主隊速龍。「我哋下半場表現好啲，但球員喺上半場真係冇乜信心。」勇士教練卡爾賽後咁講絕對正確，因為對手速龍今場投射命中率高達50%，明顯唔赦冇咗「咖喱仔」嘅勇士，當中後衞雲菲特17投9中，為速龍帶嚟27分以及12次助攻。