最激復仇戰 冠忠南區硬撼傑志

傑志戰畢「菁英盃」首循環賽事，上輪乘東方和波登上榜首，定希望延續強勢，準備26日對標準流浪的「足總盃」4強。暫代主教練金東進（Kim）透露，丹恩奴域已傷愈，但要小心安排他的上陣時間，避免操之過急。另外，艾力士被指上月作客理文一役中作出兇暴行為，被紀律委員會罰停兩場。Kim表示接受委員會的裁決，但坦言對損失一員感失望。

18歲中堅曾以行（Ellison）今季暫錄得3次上陣機會，他認為自己在經驗、位置上仍需改善，偶爾要中堅拍檔提醒：「比賽有時唔夠集中，有啲波冇包到，真係要佢哋提住我。」今場有機會與前港青隊友陳嘉宝交手，Ellison直言興奮：「佢前季踢富力，經驗比同齡球員多，尤其佢踢前鋒，遇上佢都會好麻煩。」

今季進攻火力不俗的冠忠南區，上場「菁英盃」以0比0悶和標準流浪，鋒線啞火的情況實屬少見，對此主教練列文表示：「上仗球隊門前把握力係差咗啲，事後我哋作出檢討，過去一周做咗針對性嘅訓練，但球隊能夠力保不失，表現令人鼓舞。」杜度上場被收起，列文表示此舉是希望為之後的聯賽征途留力，讓這位受輕傷困擾的主力守將有時間康復。

列文續稱對手傑志陣容雄厚，絕不容易對付，但南區首要任務仍是要做好本分。上場倒戈的史提芬彭利拿，因爭頂頭槌受傷，「肥彭」透露賽後要由曾任職護士的老婆幫手縫針：「事後冇覺得頭暈，相信嚟緊可以繼續上場。」過去一周「肥彭」訓練時要戴泳帽，保護傷口為免感染，這位南區射手能否帶領球隊搶分，值得留意。