陳俊樂擔正救唔番廣州城

中超自8月完成首階段後一直休戰，期間多支球隊紛紛傳出欠薪情況，香港球員陳俊樂效力的廣州城亦面臨同一命運。據內地媒體報道，該隊董事長黃盛華在復操後，曾親身向受欠薪影響的隊員致歉，但強調球隊正想辦法籌集資金，承諾會發還應得薪酬。

同時，廣州城亦正受陣容不整所影響，葉楚貴、唐淼、常飛亞等主力養傷，外援古靴美、迪比利又因不同原因未歸隊。周一對長春亞泰的爭標組首場賽事，廣州城以「樂仔」擔任攻中，支援兩位外援卡當拿和利安高，惟早段便被對手艾歷利馬先入一球。苦戰大半場，廣州城以陳志釗入替陳俊樂，但仍然無法扳平，末段更被長春亞泰再下一城，最終以0比2敗陣。

同日中甲賽事，梁諾恆以隊長身份帶領浙江隊對陣貴州隊，在馬菲斯、艾沙江梅開二度，以及高迪、鍾浩然各入一球，浙江以6比1勝出，提前兩輪鎖定升班附加賽資格。