理文嚴陣以待砌香港Ｕ23

危機中總有機遇，「曉明Sir」希望其他球員可以挺身而出：「我哋需要每一位隨時都做足準備，之前少踢嘅球員有冇付出，係我呢場想見到嘅嘢。」理文從「亞協盃」征途歸來後已經歷兩仗，主力守將余煒廉認為球隊狀態正逐步提升。今季首次面對新軍香港U23，「煒廉」呼籲隊友切勿鬆懈：「佢哋年輕球員較多，好放膽去踢，喺戰術執行上都好咗好多，所以我哋要準備好，唔可以輕敵。」

香港U23上仗不敵標準流浪，各項賽事兩連敗兼錄得零入球，主教練張健峰承認球隊表現未如理想，尤其前場組織攻勢及埋門把握力方面並不成熟，需要慢慢改進。對手理文隔離完後雖狀態未足，惟「張峰」認為實力依然凌駕己隊之上：「理文球員經驗同心態好好，另外『曉明Sir』用咗幾年時間建立嘅風格，呢刻已經慢慢成型同成熟，值得我哋去學習。」

周家樂今季被改任成左閘，他坦言從青年軍開始，間中亦會客串這個位置，因此適應上沒有太大問題，暫時對今季表現尚算滿意。今仗倒戈舊球會理文，「家樂」表示有信心踢出好表現：「體能方面問題唔大，最緊要個心態畀足100%，今場要盡力證明自己。」