巴利又傷過或遭皇馬解約

周薪達到60萬鎊嘅加里夫巴利，係西甲勁旅皇家馬德里陣中最高薪球員。不過，呢位威爾斯球星自9月起缺陣皇馬賽事，點知今個月竟然帶傷入選國家隊，更喺對白俄羅斯一仗正選上陣，結果再一次受傷而回，經皇馬軍醫檢查後，證實呢位32歲球星將要休息至少3個星期。據報今次傷患令皇馬高層非常憤怒，認為加里夫巴利再將國家隊利益凌駕球會之上，教練安察洛堤更下「逐客令」，要求1月盡快將佢趕走，最大機會係同巴利提前解約。