陳肇鈞野孩成熟時

歷盡高低學懂珍惜機會

陳肇鈞（Philip）自出道以來一直以才華洋溢見稱，2019年成為和富大埔奪冠功臣的他，轉眼間已踏入29歲，近年發展卻彷彿走入樽頸。今季獲得傑志垂青，加盟這支衞冕冠軍球隊，到底是他的最後機會，抑或是最佳時機呢？

兩年前陳肇鈞替大埔首奪港超桂冠，可謂走上職業生涯高峰。不過近年他在冠忠南區未能延續光輝，更因與教練團不合而離隊，一度陷入半季自由身，「呢年係一個好好停低反省嘅時刻，畀自己Refresh一下。」他如是說。

上季效力標準流浪，球會的營運成本當然比不上大會，他感覺這局限了球員的發揮。今季轉投更具規模的傑志，Philip直言「失去過才懂珍惜」：「好慶幸有咁嘅設備、隊友同教練，真係似番間職業球會，直頭有啲外國嘅感覺。」

做足準備加盟傑志

猶記得數年前傑志曾與Philip扯上關係，但最終只聞樓梯響；數年過去，傳聞終於成真，他竟自稱「好彩」：「上季季尾喺流浪踢咗幾場令人深刻嘅比賽，可能畀人記得我仲喺球圈入面，嗰陣開始聯絡『朱Sir』，之後就過咗嚟。」他道出那陳腔濫調的道理：「機會唔會無啦啦跌落嚟，都要裝備好自己」，卻又十分寫實。

這名昔日金童明年將步入「3字頭」，加盟「藍鳥」，他堅稱絕不視為職業生涯的最後機會，反而是「最佳Timing」：「以前除咗技術之外，心態都未夠成熟，反而接近30歲係最幫到球隊嘅時候。」

佩服丹恩奴域樹立榜樣

Philip謂，過往不論在任何球隊，在眾多外援面前，本地華將往往充當陪襯角色；如今即將踏入而立之年的他，下定決心要和外援競爭正選位置，「唔應該好似以前咁老奉畀外援踢，而係大家平等咁挑戰，喺球場上係要有個位置。」

陳肇鈞一向予人「鬼仔性格」的感覺，場外場內均散發着一種獨一無二，卻又難以馴服的魅力。唯獨在傑志，隊內一種獨特氣息竟將這位「性格巨星」完美收服，「隊內年紀大啲嘅入籍球員唔會畀自己懶散，行出嚟個態度已經好唔同，見到佢哋咁樣都會自動波跟番節奏。」他強調，洋將對自身要求甚高，特別是丹恩奴域，「40歲仲場場同你跑足90分鐘」，並為本地年輕球員樹立榜樣，「香港球員如果想進步嘅話，係需要好似丹恩咁嘅人帶住。」

圖／文：黃雋謙