昔日東方中國賽和澳洲李鐵發牢騷
周三凌晨世盃外亞洲區賽，中國憑武磊射入12碼，以1比1逼和澳洲，數字上保住出線希望。主帥李鐵喺賽後記者會發牢騷，指部分批評者「腦子有問題」、「完全不懂足球」，但入籍兵阿蘭賽後直接返家鄉巴西，似乎對中國足球心灰意冷。
中國3名巴西歸化兵洛國富、艾克森同阿蘭同時正選上陣，38分鐘澳洲守將米歇爾杜基頭槌破網，下半場71分鐘中國博到對方球員禁區內犯手球，武磊操刀扳平1比1，兩隊各得1分。中國賽後落後第3位嘅澳洲6分，爭踢附加賽機會渺茫。
入籍兵阿蘭完場即返巴西
中國出線世盃機會微乎其微，內地網民又開始搵「代罪羔羊」，矛頭直指主教練李鐵，批評他近幾仗用人及戰術調動，搞到李鐵喺賽後記者會用咗32分鐘回應批評者，首先佢認為過去兩年疫情下作戰係「非常瘋狂的情況」，球員要應付密集式比賽，長時間同家人離別，可謂「十分殘酷」。佢更透露巴西入籍兵阿蘭忍無可忍，已向所屬嘅ＦＣ廣州告別，完場後直接由杜拜飛返巴西。
呢位44歲教頭愈講愈勞氣，話留意到有球迷指國足就算主場作賽都唔會有分別：「這樣說的人腦子有問題，完全不了解足球！我肯定告訴你，如果這兩場在蘇州踢，我們可能拿到6分。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
