「子彈」親身指導譚家燕：有啲唔真實

參與訓練的夏志明和比圖，為女足成員準備了一系列訓練，並親身落場示範兼指導。「快啲！」「呢度！」期間比圖不時用簡單廣東話作提場，令譚家燕更驚訝的，反而是與她同樣司職前鋒的「子彈」夏志明：「我以為佢哋唔識講廣東話，點知夏志明竟然講到一口流利嘅廣東話，瞬間嘅感覺又親近咗。」

面對靠「踢波搵食」的港超球員，現年20歲的「家燕」承認自己對女子隊職業化有所憧憬：「呢一刻我覺得仲係好遙遠，不過慢慢有一個好開始，香港女足近年開始受到重視同關注，投入嘅資源同參與嘅人都多咗。」上季在乙組聯賽斬獲7球的「家燕」，今季首兩場就追平自己的入球記錄，腳風極順的她目標不只爭奪神射手：「今季唯一目標係拎到乙組冠軍，希望可以靠自己體力及速度上嘅優勢，跑動多啲，分擔其他隊友嘅壓力。」