冠忠南區女足要做最Top

冠忠南區立足本地頂級男子聯賽多年，今年首次成立女子隊，並於9月中舉行選拔，成功吸引一班女將試訓，包括蘇瑋婷及譚家燕等多位上季乙組亞軍球隊花花的骨幹成員。教練團方面除簡敬慈外，亦有前港隊女足代表李麗好擔任教練。過去已在南區青訓系統任教多年的「Miss李」作為「南區人」，直言對南區女子隊的成立感到欣慰：「踢咗咁多年，自己嗰區都搞唔到一隊，今年幫到南區成立女子隊，真係好開心。」

上月中展開的乙組聯賽，競爭激烈程度大增，一方面參賽隊數由上季7隊增至今季15隊，另外賽制上亦有轉變，首階段分成兩組，以單循環形式決定排名。開季3戰全勝的南區暫時位列乙A組次席，教練簡敬慈認為球隊仍未遇上最大挑戰：「參賽隊數多咗，但質素比較參差，各隊實力有差距，同我哋同組嘅屯門，佢哋係最有力問鼎冠軍嘅球隊，但南區有能力面對任何對手，最緊要係踢好自己先。」

經營本地球隊要面對的其中一個最大問題，非場地莫屬，對於今季加入南區，「簡Sir」與「Miss李」異口同聲認為最大得益，是一班球員終於能夠借助球會資源，在固定時間和場地接受訓練。「最緊要有個球場可以支持到我哋，以前我哋自己搞波要周圍搵場，連石地5人場都要搵，嚟咗南區，有固定時間同日期，一切變得穩定。」「Miss李」一邊慨嘆昔日四出「搵場」的辛苦經歷，一邊說道。

有多年執教女子隊經驗的「簡Sir」，與現時南區大部分球員都曾合作過，包括去年隨花花取得乙組亞軍。見證一班球員成長，「簡Sir」表示對球隊充滿信心：「以往我都同大家講係『開心足球』，除咗結果之外，都要踢得開心；今年我第一堂就同大家講，我哋踢『開心足球』之餘，仲要有競爭性，舊年佢哋證明咗自己嘅能力，所以應該更有要求。」他認為有球會的支持，南區女足今季可以最Top作目標。