體育

入選美國大學分區聯賽最佳陣容 顏卓彬決心做全職球員

「彬仔」(白衫)在校隊司職防中。(受訪者提供) 「彬仔」(白衫)在校隊司職防中。(受訪者提供)
「彬仔」(白衫)在校隊司職防中。(受訪者提供)
曾跟隨傑志在今年6月出征泰國「亞冠盃」分組賽,並在對恒大一役中上陣的顏卓彬,未有出現在傑志今季的大軍名單中。原來「彬仔」8月初完成返港隔離後未幾,便按原定計劃返回美國,準備完成一拖再拖的最後一年課程。「我會畀心機完成個學位佢,等出年5月畢業之後,就返香港做個全職足球員!」顏卓彬堅定地說。
於中美拿撒勒大學就讀運動管理Final year的「彬仔」,同樣是校隊成員,在剛完成的分區聯賽,司職防守中場的「彬仔」不僅協助校隊獲得第3名,更入選「最佳11人(二隊)」,他謂:「對我嚟講係好正面嘅鼓勵,對手幾乎全部都係外國人,體能同對抗能力差啲都唔掂,係鍛煉自己嘅好機會。」
強練體格再爭機會
上季在傑志未獲太多出場機會,「彬仔」坦言都曾為此感到不悅。「做球員梗係想落場,但傑志隊內競爭好大,唔夠就係唔夠,惟有努力啲!好彩可以喺一班高質外援身上學到嘢,喺美國我有Keep住去健身,希望練到強啲嘅體格,下年返嚟再爭過。我好清楚出年畢業返香港後,冇得再孭住『學生球員』呢個名,再冇藉口踢得唔好或者冇得踢。決定做全職球員,就要全力去做。」
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500