張煒琪鍾貝琪領軍傳承經驗

「上季完咗之後因為身體問題離開咗公民，休季時『張Sir』邀請我，我覺得呢度所有配套都好適合我，所以過咗嚟傑志。」張煒琪解釋來投經過。

這名月尾將踏入31歲的香港隊首席中鋒，過往在公民曾經贏盡錦標，今季來到以年輕球員為主的「藍鳥」，她期望以自身經驗激發隊友：「想佢哋有奪冠精神，一嚟到大家都唔出聲，依家我嘗試令佢哋多啲溝通，配合上暫時都幾好。」傑志今季將為球員提供津貼，「煒琪」直言「冇諗咁多」，只會視津貼為Bonus，繼續會一如既往投入踢足球。

鍾貝琪今季被傑志任命為隊長，她期望運用感染力影響隊友。「阿K」又指，球隊班底雖然年輕，但同樣具備實力與強隊競爭：「今年多咗好多青年軍，年資較深都係得幾個，但球隊活力多咗，氣氛都好咗，如果準備充足，應該都可以爭吓。」

這名23歲中堅球員，過往曾外流蘇格蘭效力基爾馬諾克，她想將彼邦獲得的經驗帶給球隊：「嗰邊踢法好硬朗，喺香港則相對受保護。我同班隊友講，落到球場就要100%做盡佢，要畀人睇到有火。」「阿K」自去年因疫情回港後便暫別外流之旅，但她透露自己仍一直與外國球會聯絡，待防疫限制放寬後，可以延續外流夢。