昔日東方港超第2周入波停不了
第2周「中銀人壽香港超級聯賽」上演了3場賽事，合共產生了16個入球。上周六（30日）傑志主場強陣迎戰香港U23，結果在「黑山伊巴」再一次大演帽子戲法下，以6比0大炒對手；翌日頭場晉峰殘陣出擊，遭客軍冠忠南區慨贈「4蛋」，盧斯安奴取得其加盟後首個入球；尾場東方龍獅與標準流浪合演了一場激戰，最終主隊憑較佳入球把握，以4比2力克對手，打開今季聯賽勝利之門。
傑志派6蛋金東進︰未夠喉！
傑志今仗大勝而回，賽後暫代主教練金東進對比數感到滿意，但認為球隊仍有進步空間：「球隊整場製造咗好多射門機會，呢樣嘢好正面，但同時亦都浪費咗好多球，理應要拎到更多入波！」至於是役有一球斬獲的陳肇鈞（Philip）認為，勝仗贏得多與少只屬其次，更重要收穫3分，以達成衞冕聯賽冠軍的最終目標。
晉峰開局唔集中招敗
開賽頭12分鐘連失3球，暫代領軍的香港U23助教朱兆基坦言年輕球員欠缺經驗，加上賽前承受一定壓力，令開局表現不太集中，導致後防出現犯錯，幸好下半場表現有所改善，希望球員繼續成長。後備門將龐焯熙是役表現不俗，尤其下半場連番作出關鍵撲救，「朱基」亦大讚其表現，更透露該名17歲小將完場後一度因失掉6球而落淚。
冠忠南區連勝兼保不失
連同「菁英盃」賽事，全取3分的冠忠南區，各項賽事已錄得4場不敗，助教比圖認為球隊現時攻守兩端表現都取得平衡：「過去4場波我哋攻入13球，呢兩場波都力保不失，我哋喺改善進攻同防守都做足功課，現時球隊攻守平衡做得好好。」冠忠南區連續兩仗半場轟入3球，火力全開，是役更成功於換邊後乘勝追擊，比圖透露經歷上場港會一戰，球隊今仗全場都保持入球慾望，最終對結果感到滿意。
賽後晉峰主教練艾斯達維承認球隊今場表現不如對手，同時認為幾位主力球員停賽，影響球隊發揮：「球隊開局表現唔好，上半場冇辦法同對手競爭，球隊喺各方面都需要改善；停賽嘅幾位球員，好似費利浦薩咁，對我哋嚟講係好重要嘅球員，球隊表現係因此有影響。」
東方龍獅回勇重上勝軌
東方龍獅成功重回勝軌，主教練盧比度（Chino)表示開心，認為球隊表現比上仗有改善，但可惜未能保持不失，將會盡力解決防守上的問題。頂入一球的中堅馮慶燁賽後表示，對能取得勝利感到高興，承諾會跟隊友努力改善防線之演出，以答謝球迷們的支持。
標準流浪防守要大執
賽果看似接近，但標準流浪教練賴嘉輝賽後略有微言：「後防輸咗4球，兩場加埋失咗7球，防守紀律性一定要正視，唔只淨係關後防事，而係成隊點樣一齊做好。」加盟流浪後只操練了3至4課，加上相隔超過5個月再在港超上陣，今仗踢了61分鐘的「謝朗」對於自身表現並不滿意：「心態上其實係準備好，但體能同比賽節奏仲適應緊，希望嚟緊更加好。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
