昔日東方港超聯重溫汁都撈埋
新一季「中銀人壽香港超級聯賽」已於上周六（23日）展開，打頭陣的傑志對東方龍獅，吸引了超過三千名球迷入場，雙方合演了一場高質激戰，結果「藍鳥」憑加維蘭上半場的勁射，以1比0旗開得勝。翌日（24日）兩場皆為入球騷，頭場冠忠南區藉史提芬彭利拿連中三元，送贈港會「3蛋」；至於尾場晉峰則在領先3球的情況下，遭標準流浪以5比3反勝。
冠忠南區入3粒未夠喉
冠忠南區領隊貝可泓對球隊在領先3球後，未能在下半場增添紀錄感到失望，認為球員可以做得更好：「我哋好努力創造機會，但下半場入唔到波，球員自己都失望。」冠忠南區是役後備席只有5人候命，貝可泓重申：「老闆主席都肯支持我哋去搵新球員，但問題係未有合適嘅人選。」
港會主教練東尼咸美頓，賽後認為球證判罰過於嚴厲：「我覺得球員（屠俊翹）被趕出場係錯誤嘅決定，大家都可以睇番重播，再研究球證嘅判決啱唔啱；球證係一瞬間作出決定，但當時個波嘅走勢唔係向住龍門方向，另外佢（屠俊翹）有冇掂到南區球員（佐佐木周）都值得商榷，我咁講係因為後者行多兩步先至跌低。」
揭幕戰傑志拚搏有隊形
聯賽首仗面對宿敵東方龍獅，傑志暫代主教練金東進（Kim）認為勝利意義重大：「傑志對東方往往係成王敗寇嘅賽事，今場勝仗為我哋今季開個好頭。」傑志在全場大部分時間領先的情況下，多次黃金機會都未能把握，包括安永佳和加維蘭的半單刀失機，導致最終僅以一球小勝，但Kim認為球員表現得像一支團隊，90分鐘拚盡，並對結果滿意。
茹子楠獲點名稱讚
東方龍獅主教練盧比度（Chino）賽後承認，對手傑志表現出色：「傑志各方面都踢得較好；我哋過去幾場都踢得唔錯，不過今場就出現好多猶豫不決同失誤情況。」雖然如此，但Chino不忘大讚今場在進攻右路表現活躍的茹子楠，直言他是球隊表現最佳的球員，並認為此子只要繼續出色表現，未來前途無限。至於首次入選大軍名單的巴杜姆未有登場，Chino解釋此子剛剛傷愈，不希望冒險派其上陣。
領先下失控晉峰贏變輸
晉峰職、球員未有出席賽後訪問，但有球員在社交平台指控巴辛，向曾仲楠面部近距離吐口水，曾才按捺不住推撞對手。晉峰總教練何信賢接受查詢時指事件屬實，並同情曾仲楠受到如斯侮辱，但同時指球員的過激反應實屬不智：「好唔開心，點解要吐口水呢？但我哋自己蠢，沉唔住氣。」
雖然當時距離二人不遠的球證，未有察覺到巴辛的行為，惟他不想追究：「球證睇唔到，只可以話人哋『偷到雞』，經一事長一智，相信球員上咗重要一課。」晉峰管理層暫不打算向足總投訴，亦勸喻球隊教練在這種情況需要控制好情緒。
賴嘉輝形容反勝瘋狂
流浪今仗一度落後3球，教練賴嘉輝賽後大讚對方的賽前部署，令球隊控球及組織相當困難。最終能夠成功反勝，「賴sir」以瘋狂形容這場賽事：「睇波真係一流，我自己踢咁耐波，或者教波都好少遇到呢種情況。」是役合共出現10面黃牌、4面紅牌，「賴Sir」坦言明白晉峰職球員的感受，認為球證在控制賽事，或者判罰的準則上可以做得更好。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
