傑志東方龍獅搶頭胡

聯賽衞冕之師傑志，近4戰保持不敗兼錄得3連勝。對於今仗面對死敵東方龍獅，暫代主教練金東進（Kim）坦言是他首項「重要任務」：「我喺傑志做球員或助教時，都知道呢場波有幾重要，依家我成為主帥，當然會更期待。」

「藍鳥」小將陳晉一、趙聡悟及潘沛軒獲港隊徵召缺陣，Kim謂過去一周球隊按現有人腳部署，有信心將影響減到最低。另外，剛獲特區護照的蘇沙和杜馬思，已可註冊成本地球員，但前者仍需一定時間養傷，預料短期內不會上陣。

傑志中場查理史葛上仗後備落場即交出兩記助攻，他稱今季在「藍鳥」踢的位置比上季前，讓他更易參與進攻。Charlie還展望聯賽開始後，將有更多機會表現自己：「當我落場時會盡力貢獻畀球隊，之前菁英盃年輕球員相對多落場機會，我絕對理解，但隨住我嘅狀態逐步提升，你哋將會見到真正的查理史葛。」

東方龍獅開季至今於「菁英盃」未嘗一敗，主教練盧比度坦言屬意料之外，指對提升球員信心有很大幫助。聯賽揭幕戰即硬撼傑志，盧比度相信比賽會十分刺激，期望今日旺角大球場能高掛紅旗：「我哋兩隊都好優秀，希望所有球迷都入場好好享受，球隊一定會竭盡全力爭勝，令呢支上季聯賽冠軍唔易踢。」陣容方面，伍家揚、亞歷斯祖及朱偉鈞亦要踢「太公波」，幸好前鋒費蘭度已傷愈，整體人腳大致完整。

東方「門神」葉鴻輝表示，上季煞科戰東方不敵傑志失落聯賽冠軍，「阿輝」認為比賽「逐場計」，球隊心理不會因此受影響：「上季季尾同今年，個轉變都好大，當然會有信心去贏，但好多嘢要睇臨場發揮。」他續指對方除了射手丹恩奴域外，其餘球員亦具備一定能力，提醒隊友不要忽視。