港隊U23決選惹爭議張健峰︰戰術需要

今次23人決選名單中，最大亮點當然屬「外流兵」梁祐維，「張峰」坦言要徵召這名效力葡甲科瓦彼達迪的後防球員，絕對困難重重：「佢心態好想返嚟踢，但情況好急同緊張，因為要聯絡球會，傾來回細節同保險問題，佢會喺日本同我哋會合。」

黎培基、林樂賢等球員早前入選集訓名單，卻落選最終名單。「張峰」表示，明白球員或外界對選人有意見，但他解釋道：「我了解佢哋心情失落，但希望球員好似黎培基咁，知道自身狀態唔足以應付國際賽；另外有啲球員可能防守能力唔太高，所以唔啱港隊主守戰術。」

此外，「張峰」更即場宣布由謝家榮擔任隊長，對此，「家榮」希望能憑鬥心感染球隊，目標對柬埔寨全取3分，硬撼日本亦可保持不失。

港隊U23明日起程出戰2022年「U23亞洲盃」外圍賽K組賽事，與東道主日本和柬埔寨爭奪出線席位，並於下周五返港。「張峰」透露球員回港後要強制隔離14天，但3天後便可「點對點」到球場練波，對保持自身狀態，為球隊征戰聯賽賽事有很大幫助。李浚湣報道