昔日東方陳浩源延後退役打埋巴黎殘奧
東京殘奧運輪椅羽毛球銅牌得主陳浩源昨日在社交網站宣布，延後退役計劃，向3年後的巴黎殘奧運進發：「決定咗，打多3年！巴黎，會係我嘅終點。」
今屆東京殘奧新增羽毛球項目，陳浩源（Daniel）以36歲之齡首戰奧運，勇奪WH2級銅牌。Daniel表示過去兩年受疫情影響，長期未有參賽，一度意志消沉，但登上奧運舞台後，他發現自己「仍然享受呢種激情嘅咆哮、享受輸波嗰種撕心裂肺嘅痛、享受贏波嗰種振臂高呼嘅喜悅」，故希望延續運動員生涯。
繼續為殘疾運動員發聲
「我想畀更多人知道，香港有一啲優秀嘅殘疾運動員係會用輪椅『飛嚟飛去』，而又會有好成績。我更加想殘疾羽毛球項目會好似劍擊同硬滾一樣，成為香港傳統殘疾運動項目，希望有更好嘅配套及資源。」
陳浩源又表示作為高齡運動員有很多考慮，但會繼續為香港殘疾運動員爭取權益。「我哋今日有咁好資源同全職機制，全賴上一輩殘疾運動員如張偉良及蘇樺偉一路發展，用好成績爭取番嚟。如果喺自己嘅專業及職業上都唔去出聲，係咪好諷刺呢？」■余樂詩報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
