羅曉聰入12碼絕殺港會　香港U23成軍後首勝

香港U23近期成功為多名新兵註冊，其中傑志借將畢頓作地標戰正選披甲，與李藹軒和黎培基負責攻堅，羅曉聰今季首次擔正，與郭子堦坐鎮中場，最後一關繼續由謝家榮把守；港會則有隊長喜比特重返正選大軍，前線繼續由里奧和費康華組成鋒線組合，U22小將余毅行首次正選上陣。

比賽早段雙方都忙於中場爭奪，嘗試靠組織撕破對方防線，但到肉埋門欠奉。首個具威脅的攻勢來自香港U23，23分鐘畢頓禁區內窄角度施射，被港會守將奧利羅仕擋到。香港U23隨後逐漸搶得優勢，34分鐘獲絕佳機會，李藹軒接應羅曉聰傳送起腳中柱，馬文政的補射又被港會門將彼得史密夫救出。港會大難不死即有後福，奧利華開出角球，湯姆哈靈頓接應頭槌頂入，臨完半場前為球隊領先。

換邊後香港U23繼續佔盡控球優勢，耐心靠地面組織尋找缺口，慢慢形成圍攻格局，可惜周家樂、李藹軒和黎培基禁區外的遠射，都未能威脅彼得史密夫。捱打的港會78分策動反擊，費康華右路傳中，後備上陣的美菲何利施射卻軟弱無力。88分鐘香港U23終於扳平，黎培基開出角球，張俊軒門前亂軍中射入，扳平比數。踢至補時階段湯姆哈靈頓禁區內踢跌黃智康，球證直指12碼點，羅曉聰操刀一針見血，協助香港U23以2比1反勝港會，取得成軍後首勝。香港U23主教練張健峰賽後盛讚球員的努力：「佢哋嘅鬥志話畀人哋聽，佢哋係想繼續喺港超行落去。」