昔日東方砌低全勝軍 佳聯元朗目標再衝超
曾在港超聯憑拚勁創出不少佳績的佳聯元朗，昨日於港甲迎戰「全勝軍」東區，再度打出士氣波，以2比1擊敗這支擁有陳肇麒及陳偉豪等球星壓陣的球隊。賽後球會秘書郭靜然坦言深受球員表現感動，承諾若球隊能打出成績，會盡力籌集資金重返港超，一圓球員及元朗街坊的「港超夢」！
賽前3戰全勝的東區作客到元朗天業路公園，上半場已被主隊射手泰亞高攻陷，下半場東區換入陳肇麒，但陳偉豪一次回傳予門將李溢晉，後者「撻Q」漏入空門落後到0比2。隨後「全民造星」門將黃梓豪為元朗屢救險球，即使完場前被東區鄒嘉華追近至2比1，但仍無阻佳聯元朗全取3分。
郭靜然：若升班會盡力搵贊助
佳聯元朗會長郭時興的女兒、現為球隊秘書的郭靜然表示：「球員們愈打愈好，若果可以升班，我同爸爸以及主席吳國雄絕對支持，雖然資金上仲有距離，會盡力搵贊助。」今季回巢並擔任隊長的羅振庭形容球隊有情有義：「我喺這支球隊成長，亦試過離開，當前球會散班後，元朗立即搵番我，『做生不如做熟』下我即時答應，當然希望可以同球會重返港超聯。」司徒子文報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
