菁英盃4條7解密

是役乃冠忠南區開季首場零失球賽事，助教比圖表示滿意球隊發揮：「上星期六先踢完一場，得兩日時間準備，今場預期球隊可以壓制對方喺半場，結果對手都創造唔到特別有威脅嘅進攻。」他補充待川瀨浩太和陳凱柏傷愈後，球隊實力將進一步加強。

理文主教練陳曉明樂見球隊能踢出本身風格，惟受制於對手的身高優勢，球隊在死球進攻嘗不到「甜頭」。他又坦言，今場美中不足是未能將連勝走勢延至11場，但就球隊在「菁英盃」的目標而言，起碼今仗成功讓年輕球員鍛鍊，以及提升其他球員的狀態。

經歷今仗後，港會遭遇3連敗，主帥東尼咸美頓坦承球隊今場得到一個糟糕的開局，初段集中力比上兩場更差：「上半場我哋非常掙扎，下半場作出調動，嘗試喺後場做出改變，亦都創造出機會，食埋鋪詐胡。對方把握到機會，但我哋把握唔到，就反映咗喺結果上。」賽後港會全隊上下盡顯沮喪，咸美頓直言球員們必須接受敗局，並從中反省，毫無疑問今仗球隊並非表現較好的一方。

晉峰總教練「何Sir」賽後稱讚球員上半場表現「收貨」，但換邊後陣型墮得太後，導致被對手搶回形勢。他又盛讚今場由葉卓文、楊憲樂、陳敏鎧組成的年輕防線：「喜出望外，搶第一點做得好，比南區嗰場頂中解圍成功率高咗，呢方面練習有功。」另外，何信賢又表揚連續兩仗有斬獲的何思哲，並希進他透過失誤提升埋門能力，「學習多啲同隊友配合，機會自然會嚟。」

理文主教練陳曉明賽後認為，今仗在斧山道運動場作賽，多少限制了球隊的表現：「呢個球場對我哋嘅發揮都有影響，上半場我哋搓到入去嘅機會都唔少，但真係好難去組織，加上全部失波都係啲大嘅錯誤。」是日為理文第50次上陣的基華尼頓，亦靠今場射入加盟後第24球，追平尼迪利所保持的理文隊史入球紀錄，但這位巴西攻擊手，賽後顯然心情非常複雜：「追平入球紀錄當然開心，但今場比賽輸波係令人失望。」

東方龍獅主帥盧比度認為今場擊敗強敵，對提升士氣有幫助：「當你擊敗強隊，球隊信心肯定有改善，我為球員場上表現感到高興。」今場艾華頓和茹子楠齊齊入波，成為東方取勝關鍵，作出換人的盧比度，直言對幾位後備球員表現滿意：「有時後備換人未必有效，呢樣嘢好講彩數；艾華頓傷咗好耐，其實仲未百分百準備好，但今日絕對可以令佢更有信心。」

繼開季首兩戰之後，南區又再出現早段先失守的問題，領隊貝可泓賽後承認場上失誤，令球隊早早陷入「打逆境波」的局面。

傑志暫代主教練金東進承認球隊上半場領先後曾陷入苦戰，但換邊後表現大有改進：「南區失去控球權之後，逼得好兇狠，所以下半場我要求球員受壓嘅時候，要直接傳畀前鋒。」對於今場一度出現失誤的門將保羅，金東進表示諒解：「無論係保羅、王振鵬或者郭劍橋，我相信球隊嘅門將。」