女足硬仗連場Rambo做足功課

21人大軍抵埗後，上周四（16日）展開操練。主教練列卡度稱備戰進度理想，訓練場草地質素良好，唯獨當地天氣炎熱乾燥，或影響球員比賽發揮：「我哋仲適應緊天氣，而且嚟緊兩場球賽都喺當地時間下晝3點舉行，對球員會係一個考驗。不過我會嘗試提升佢哋嘅心理狀態，面對目前嘅困境。」

港隊同組兩隊對手上周六（18日）率先對壘，菲律賓以2比1擊敗尼泊爾。Rambo稱自己有觀賽以刺探軍情，並指菲律賓狀態較佳，但他觀察到兩軍的部分弱點，屆時會有所部署：「兩隊後場受壓時，處理個波都唔係咁好，所以如果我哋能夠善用呢項弱點，可能會搵到機會。」他直言，全隊上下已調整好心情，會盡全力爭勝爭取晉級。