打出一片天 「宜嘉」感激傑志栽培

目前效力標準流浪的「均宜」及「嘉緯」，皆曾效力傑志10個球季，「嘉緯」回憶道：「初出道時人人都話我有潛質，但點發揮呢？幸得傑志信任及重用我。」而「均宜」亦不介意自嘲一番：「傑志引入巴塞踢法，簡直係為我哋呢啲矮仔度身訂造！」「嘉緯」不忘勉勵後輩：「當時本地足球有一種意識，本地球員踢得再好，都只係協助外援入波，但傑志令所有崗位嘅球員都有所發揮，良性互動令外援球員信任你。我依家都同年輕球員講，唔好當自己係配角，做好自己。」

「均宜」承認離別時刻難免傷感：「記得我最後一場為傑志比賽，完場時同黃洋及王振鵬等隊友四目交投，大家眼淚已經湧出，呢個時候大家嘅擁抱勝過千言萬語。」談到首次倒戈，「均宜」指百般滋味在心頭：「我同自己講要用更好表現，咁先係尊重對手。我同佢（嘉緯）咁老友，對賽時我都差啲打爆佢隻眼。」「嘉緯」在旁亦笑言「不能認同更多」。

「均宜」指在傑志的難忘時刻多不勝數，當中2011/12球季聯賽煞科戰獲勝後，捧起冠軍獎盃前一刻，在隊友及球迷前求婚，抱得美人歸；另外一次出國集訓「無意中」留低球隊管理「波記」在機場等……對均宜和嘉緯來說，往事點滴仍猶如昨天，相信傑志已印在他們的生命軌迹之中。