周琦轉戰澳洲聯賽

25歲嘅中國「大魔王」周琦係CBA頂級球星，佢今夏同原屬球會新疆合約期滿，據報一度出現合約糾紛，周琦並冇同新疆續約，亦未有按規定時間內進行球員註冊，已確定缺席新一季CBA聯賽；原來佢已經決定轉戰澳洲聯賽，希望喺新環境闖出新天地。

澳洲籃球聯賽NBL將於11月18日開鑼，共10隊角逐，常規賽前4名晉級季後賽，布里斯班子彈剛宣布簽入前青島內線球員劉傳興，依家周琦去埋澳洲，兩位中國球員將會喺澳洲聯賽相遇，上演令球迷期待嘅中國打吡。

周琦曾於2017年征戰NBA，效力火箭，成為繼姚明之後第2位效力火箭嘅中國球員，不過4年合約打咗兩年就被解約，NBA生涯最佳單場得分係上陣12分鐘，獲得6分、2個籃板及1次助攻。