陣容大洗牌不求名次 標準流浪望小將盡情發揮

「班費年年都差唔多，今年就大約600至700萬，主要係球員福利加啲，同埋獎金都會高咗。」標準流浪今季人腳變動頗大，多名球員包括亞加斯圖、杜格拉斯、林學曦、李溢晉、播磨浩謙等悉數離隊，至於基藍馬、祖連奴、林嘉緯、盧均宜等主力將繼續留效，僅陳肇鈞仍未就續約達成共識。

新球員方面，除了借用東方龍獅中堅劉學銘外、主要還有前東方龍獅小將鄭子森、回歸球隊的門將梁興傑和前愉園球員林衍廷、余在言、楊迪麟，並同時羅致舊將巴辛、曾效力凱景的21歲韓援金旻奎，以及由歐陽耀冲推薦的26歲日本守將林遼太。總監李輝立坦言球隊增加了不少新人，因此今季不會刻意爭取聯賽名次，寄望一眾年輕球員能在球場上好好發揮。

流浪今季一口氣簽入多名新球員，惟Philip表示仍未能齊腳操練：「好多球員未試過踢超聯，依家甚至連外援都冇得倚賴，巴辛仲未嚟到香港，林遼太嘅工作證亦未處理好，所以球隊今年唔太積極揾外援，寧願幫吓失業球員。」標準流浪將於9月18日的「菁英盃」揭幕戰面對東方龍獅，Philip直言對球隊表現感到擔心：「我哋人都仲未齊，老實講有啲擔心，加上劉學銘因為外借關係唔踢得，淨係靠小將的話，水準未必夠，希望佢哋可以踢出拚搏精神啦！」

李浚湣報道