昔日東方完成14日隔離嗌餓波 丹恩奴域誓助傑志創佳績
剛與傑志續約的40歲黑山射手丹恩奴域，昨日終於完成14日隔離，返回賽馬會傑志中心進行簡單復操，內容以跑步為主。「黑山伊巴」操練前接受記者訪問，表示自己目前十分放鬆，希望來季能夠再次替傑志奪得聯賽冠軍，並有信心於新一季，入球可以源源不絕。
「呢兩個星期我好放鬆，已經唔記得咗隔離有幾辛苦。目前我嘅身體狀況好好，但同球隊一齊練波之前，仲有丁點事情需要處理，好高興重返傑志。」丹恩奴域雖然剛於酒店完成14日隔離，惟心情及狀態明顯未受太大影響。
期望同金東進擦出火花
傑志會長伍健早前宣布丹恩奴域將與球隊續約至2023年6月，「黑山伊巴」認為這個決定相當容易：「所有嘢都冇問題，我同伍健先生有過一段好友善嘅對話，佢好了解我同屋企人，包括小朋友嘅讀書安排，好容易就決定今次續約，希望之後兩年比上年更加成功。」對於「韓國老友」金東進來季暫代主教練一職，「黑山伊巴」相信金東進能為傑志帶來能量及激情，對陣中年輕球員及球隊有一定幫助，並期待與這位老拍檔再次合作。
丹恩奴域上屆榮獲港超聯神射手，兼帶領傑志衞冕聯賽冠軍，同時打破「亞冠盃」入球紀錄，對於來季目標，他笑言對比賽依舊「飢渴」：「我背後仲有好大推動力，首先希望贏得下季聯賽冠軍，只要球隊全季保持健康，相信唔成問題；另外我哋喺亞冠盃表現好好，希望今屆可以再進一步。」他續表示，只要球隊延續上季表現，有信心新季入球停不了。李浚湣報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
