重新出發

「其實覺得呢兩年喺東方龍獅停留咗一個位置，另外覺得『香港U23』理念同自己細個經歷都好相似，所以一日之內接受張Sir（張健峰）邀請，決定過嚟。」29歲中場黃威2019年從和富大埔加盟東方龍獅，惟未取得太大突破，兩季為東方上陣34次，攻入4球及交出4次助攻，今季亦將以超齡球員身份外借至「香港U23」。

「香港U23」陣中大部分球員為23歲或以下，作為隊中5名超齡球員之一，自然需要肩負以老帶新的責任，黃威承認「壓力點都有」，但認為是球員必經階段，希望能夠盡力做好：「今年咁多年輕球員，比賽一定會困難，可能會成日輸波或者大敗，自己以前喺深水埗都經歷過，希望可以分享自身經驗畀年輕球員，無論結果如何，都唔好喪失鬥志，同時亦期望喺後輩身上學習。」

新季由大會東方龍獅借用至「香港U23」，無論關注度及球隊成績必定有差別，對於會否影響自己將來入選港隊機會，黃威表示不太擔心，相信港隊教練清楚球員實力，挑選球員並非只因效力大球會。

門將謝家榮自舊球會愉園退出超聯後，一直等待落班機會，今次加盟「香港U23」，他坦言感到相當開心：「其實心情一直都非常緊張同擔心，好似屯門之前有意升超，自己都有搵佢哋問過，不過唔成事，所以好驚『香港U23』都係咁，依家終於正式成立落實參賽，我都好開心。」謝家榮續指今年非常重要，畢竟經歷由「冇班落」到有機會長期正選，自己必定會好好發揮，希望表現及心態上成熟進步，相比初出茅廬效力夢想FC的時候有所成長。