U23港隊集訓備戰亞盃外　張健峰點將最緊要有Heart

為備戰10月底開打的U23亞洲盃外圍賽，U23港隊眾將昨日現身將軍澳賽馬會香港足球總會足球訓練中心（FTC），展開一連6日集訓。主理首日操練的足總教練張健峰表示，今次訓練可以令教練團能夠更深入考察一班入選球員，以決定最終決選名單，並直言球員心態，是自己在選人上的一大考慮。■圖/文：林卓臻

首日負責主持操練的教練團，除了有張健峰之外，亦包括門將教練范俊業，以及足總菁英培訓總監保坂拓朗等。球員方面，除了林樂賢因傷未有出席之外，其餘入選集訓名單的球員均有出席。張健峰坦言今次集訓機會難得，讓教練和球員能夠有所溝通。他還認為這支U23港隊成員能力不俗，但在部分位置上人腳實力存在不足：「呢個年齡層有啲位置係強，但有啲位置就比較缺乏，特別係喺中堅位置，選擇唔多。」

鬥日本非九死一生

U23港隊於外圍賽身處K組，將與日本和柬埔寨競逐決賽周資格，其中張健峰承認前者實力強橫，會是球隊希望學習的對象，但認為港隊有一定競爭能力：「日本喺亞洲有好高水平，但我哋唔係九死一生！」另外張健峰認為柬埔寨改由日本教練團執教之後，打法上有轉變，並希望根據這支東南亞對手的強弱點，再作針對性部署。

此外，今次集訓球員中不乏「失業球員」，惟張健峰稱「有班落」並非重點，他更看重球員的心態：「如果佢哋（失業球員）心態唔強，唔會走去跟郭嘉諾去練波，起碼佢哋話到畀人聽其實想繼續踢。當然佢哋需要履行責任保持狀態，如果能力同狀態唔足夠，去到10月惟有講Sorry。」

另邊廂，足總早前宣布將籌組U23聯隊，征戰來季港超聯，近日足總主席貝鈞奇進一步透露，已任命張健峰為該隊主教練，這位足總教練則回應「方向係好嘅」，但他希望U23聯隊能夠作長遠發展，讓球員有平台表現自己，並建立出一支有實力的球隊：「我哋整隊波出嚟，絕對唔係玩玩吓。」