貝鈞奇出席電台節目爆料張健峰領軍U23聯隊

香港足總日前宣布「U23聯隊」將出戰來季港超聯，有關這支新軍的詳情，包括隊名、球員名單等原定於今周記者會上公布，然而足總主席貝鈞奇上周六出席電台節目時，透露「U23聯隊」將由港隊U23代表隊教練張健峰領軍，並趁機解答有關球隊的問題。李浚湣報道

「港隊Ｕ23全年有幾多個比賽呢，主教練唔係成日可以指導球隊，所以倒不如『Ｕ23聯隊』由目前港隊Ｕ23代表隊教練張健峰帶領。」足總主席貝鈞奇日前出席電台節目時，率先透露新軍主帥人選。他認為目前至少有6、7名港隊Ｕ23代表未有班落，如果這些球員失去在頂級聯賽比賽的機會，絕對是「嘥咗」，因此足總才想出這個辦法。

足總早前指出「Ｕ23聯隊」部分年輕球員將由其他超聯球隊借出，「貝生」承諾挑選球員上必定會做到公平公正：「當然港隊成員會優先，而未落班嘅Ｕ23球員，我哋都會招募，但足總要出糧畀佢哋，考慮到今次經費同班費問題，要多謝好多有心人支持，所以希望盡量符合各方面利益。」「貝生」續指肯借球員的球隊數目並不多，而教練亦擁有球員出場的最終話事權。

「超齡球員註5出3屬合情合理」

至於超齡球員方面，足總容許「Ｕ23聯隊」註5出3，「貝生」相信此舉亦屬合情合理：「8隊縮到6隊，加埋港會又以外援為主，我哋都知仲有好多其他失業球員，包括一啲曾經代表香港隊嘅球員，倒不如搵佢哋以老帶新，所以今次足總容許超齡球員方面註5出3，事實上奧運好多比賽都係咁，呢個做法絕對係合情合理。」