有長遠計劃並非1年貨仔 U23聯隊確定出戰港超聯

「初心係培育香港下一代同埋青訓，骨幹成員會以U23為主，大概有10幾個小將，再加5個超齡球員，當中最多只有3個落場，希望呢班有經驗球員能夠帶領U23球員訓練，以後亦可以提供一個平台孕育未來球星，將來代表香港隊或者其他球會。」經歷兩個多小時的會議後，足總行政總裁譚秋朗會後隨即向傳媒宣布這支「U23聯隊」的成立。

今次「U23聯隊」確定會讓5名超齡球員加入，譚秋朗解釋主要有兩個原因：「首先10月U23會去日本比賽，依家物色嘅球員當中有人會去踢，所以希望可以保留一定人數征戰『菁英盃』。另外又可以幫助到U23以上年紀嘅球員就業問題，絕對係一舉兩得。」

對於外界認為一眾失業球員大多並非U23球員，批評今次「U23聯隊」成立或未能有效幫助球市，譚秋朗再次重申今次初衷是培育青年球員：「我覺得有3個經驗球員落場帶住打好適合，足總亦有權力去揀人，絕對唔會求其，希望佢哋真係有經驗同幫到球隊訓練。」他續指球員名單及教練人選仍未落實，惟已有初步構思，將於下周再作公布。

參加港超聯的球隊，必須要在足總擁有會籍，譚秋朗表示會議上通過成立獨立法定機構，希望善用足總資源贊助及管理「U23聯隊」，並強調會跟足程序，為該球隊申請全新足總會籍以及球會牌照，惟現時距離港超聯開季時間緊逼，將會押後有關程序。譚秋朗透露現時已為該隊物色到23至24位球員，當中有部分U23球員由其他球會借出。

對於來季升降安排，譚秋朗表示未來兩、三年，只會維持升班制度：「因為過去新冠疫情喺球壇造成好大影響，所以希望未來兩、三年可以休養生息。」他又強調這支「U23聯隊」不會是短期計劃：「唔會係今年講完，出年就會冇咗，我哋希望係有連續性。」並指若果未來幾年有球隊願意升班，令港超聯累積一定隊數，屆時會再作檢討。

落實來季港超聯8支球隊後，譚秋朗表示開始着手編排賽程及賽制，並將於下周與各支港超聯球隊開會，進一步交代新賽季情況。林卓臻報道